Është betuar ditën e sotme kryebashkiaku i ri i Peqinit Lorenc Tosku.
Mësohet se gjithashtu është konsituuar Këshilli Bashkiak për Peqinin.
Kryebashkiaku në ikje Saimir Hasalla nga radhët e PDIU, i ka liruar zyrën pasardhësit të tij socialist.
Kujtojmë se PDIU ka qenë në aleancë me PS-në në zgjedhjet vendore të vitit 2015.
Ndërkohë kreu i Grupit Parlamentar të PS-së Taluant Balla, njëkohësisht deputet i qarkut të Elbasanit, falenderoi Toskun.
“Ju këshilltarët e bashkisë duhet të kujdeseni që të sillni në zyrat e bashkisë dhe në mbledhjet e Këshillit, apo të institucioneve të tjera përkatëse hallin e çdo banori, propozimet e çdo lagje, fshati, komuniteti, sikletet e çdo sipërmarrësi të madh, apo të vogël. Kryetari i ri Bashkisë Lorenc Tosku është i vetëdijshëm në ushtrimin e këtij mandati të ri për barrën e jashtëzakonshme që ai përfaqëson. Peqini nuk duhet të jetë i ndarë në mes partive politike, por i bashkuar në punët e rëndësishme ku patjetër unë gjej rastin të theksoj projektet e mëdha në infrastrukturë e bujqësi, por edhe vijimi i Rilindjes Urbane të qytetit të Peqinit. Dua ta falenderoj Kryetarin në largim Saimir Hasalla për punën e tij në katër vitet e shkuara”-tha Balla.
