Kur prej disa ditësh ka nisur aksioni për lirimin e hapësirave në plazhe, kryeministri Edi Rama ka paralajmëruar ata që thyejnë ligjin.
Përmes një postimi në ‘Facebook’ kreu i qeverisë shqiptare pohoi se kush sfidon shtetin do të përballet me Policinë e Shtetit.
“Zaptuesit e plazheve po përballen kudo me Policinë e Shtetit, por Ligji i Ri për vijën bregdetare do të sigurojë që ata të mos guxojnë ta sfidojnë më qytetarin dhe shtetin🤝👊”, shkruan Rama.
Kujtojmë se sot u vunë në dispozicion të pushuesve rreth 4500 m2 plazh, pronë publike, të zaptuar në mënyrë të kundërligjshme nga 6 subjekte në Velipojë dhe Shëngjin.
Zaptuesit e plazheve po përballen kudo me Policinë e Shtetit, por Ligji i Ri për vijën bregdetare, do të sigurojë që ata të mos guxojnë ta sfidojnë më qytetarin dhe shtetin🤝👊
Gepostet von Edi Rama am Dienstag, 6. August 2019
