Qytetarët e ndodhur dhanë ndihmën e parë, por dy shqiptarët nuk u rrezistuan dot plagëve të marra dhe ndërruan jetë pa ardhur ambulanca
Dy të rinj shqiptarë kanë humbur jetën pasi makina devijoi rrugën dhe përfundoi në kanal në qytetin e Romës. Ngjarja ndodhi rreth orës 6 të mëngjesit të së dielës teksa dy të rinjtë po udhëtonin. Personat janë Dorian Myftaraj 24 vjeç dhe Rruzhdi Karreci 35 vjeç, ku ky i fundit ishte arrestuar më 27 korrik të 2018-s për shitje kokaine.
Karreci banonte në Spresiano por ishte me origjinë nga Durrësi, kurse për personin tjetër nuk ka ende informacione të tjera përvec identitetit të tij. Viktimat ndodheshin në makinën tip Volksëagen Golf GTI ngjyrë të zezë, kur automjeti përfundoi në kanal.
Qytetarët e ndodhur në atë moment bënë të mundur nxjerrjen nga makina të dy shqiptarëve duke u dhënë ndihmën e parë, por ata ndërruan jetë pa ardhur akoma ambulanca. Sipas medias italiane TrevisoToday, familjarët e viktimave u lajmëruan më vonë për ngjarjen.
