Biznesmeni shkodran Sadedin Sula, i cili porositi vrasjen e bashkëshortes së tij Suela Sula në 18 prill të 2016 mbetet i dënuar me ‘burgim të përjetshëm’.
Apeli i Krimeve të Rënda la në fuqi vendimin e Shkallës së parë për dënim maksimal të Sadedin Sulës.
Ai porositi autorin e krimit Fatjon Karmeshtnan të vriste në mobilerinë e tij bashkëshorten Suela Sulën, për të cilën dyshonte se e tradhëtonte dhe do të tentonte të merrte gjysmën e mobilerisë.
Karmeshtnan e mbyti me duar viktimën në tualetin e mobilerisë së çiftit. Edhe autori i krimit të rëndë vuan dënim me burgim të përjetshëm.
