Deputeti i Parlamentit të Serbisë, Nenad Canak ka pranuar publikisht pavarësinë e Kosovës. Ai gjithashtu dënoi krimet që serbët kanë kryer ndaj kosovarëve.
Në një intervistë për RTK, ai u shpreh: Kosova është shtet i pavarur dhe unë e pranoj pavarësinë e saj. Në Serbi është një politikë se kurrë nuk do të pranojë Kosovën shtet.
Për fat të keq politika e Beogradit ka mbetur e njëjtë, ekzistojnë disa lëvizje pozitive jo vetëm për ngjarjet në Kosovës, por edhe në Bosnjë, por nuk ekziston një masë kritike që do të kishte pranuar në thelb politikën e gabimeve.
Krimet nuk vjetërsohen kurrë, krimet po fshihen nën tepih, krimet duhet të zbardhen.”
Ndër të tjera, Canak, i cili është edhe kreu i Ligës Socialdemokrate të Vojvodinës, tha se është absurde që edhe 19 vjet pas rënies së Millosheviçit, ende nuk ka lëvizje për të dënuar krimet.
Duke kritikuar me ashpërsi propagandën e Serbisë, ai u shpreh: Mua dikur më hoqën mandatin e deputetit vetëm pse bëra disa pyetje për luftën në Kosovë”
Sipas tij nëse nuk do të arrihet një marrëveshje mes dy vendeve, Serbia nuk mund të ecë përpara. Në vitin 2017, Canak ishte kandidat për President në Serbi.
