Kryetari i Bashkisë së Rrogozhinës, njëkohësisht anëtar i kryesisë së PDIU, Beqir Nuredini, edhe pse theksoi se 30 qershori është i pavlefshëm, ndërsa vendosi te dorezoje postin te kreu i ri i bashkise, duke thene se “nuk do të përplasë njerëzit e qytetit të tij, për një karrige”.
Nuredini i dorëzoi sot zyrën Kryetarit të ri të dalë nga votimet e 30 qershorit, socialistit Haxhi Memolla, ndërsa eshte shfaqur i buzeqeshur, teksa i ka uruar atij suksese ne mandatin kater vjeçar.
Ne prononcimin per media ai theksoi: E konsiderojmë të pavlefshëm të gjithë këtë proces për aq kohë sa dhe dekreti i Presidentit është akoma në fuqi.
Një qeveri që ka kapur të gjitha pushtetet, ka gjykuar të vlefshme të marrë dhe këtë godinë, këtu në Bashkinë e Rrogozhinës.
Unë nuk kam ndërmend të përplas njerëzit me njëri-tjetrin për sa kohë jam bashkëqytetar dhe jetoj në të njëjtin qytet me ta, kështu, kam vendosur ta liroj paqësisht këtë godinë me këtë arsyetim, besoj, të logjikshëm”.
Kujtojme se Memolla i PS, ishte kandidati i vetëm në votimet e 30 qershorit, të cilat u bojkotuan dhe nuk njihen nga opozita.
Ndërsa, në Rrrogozhinë dolën në votime vetëm 10 për qind e votuesve, një prej pjesmarrjeve më të ulëta në shkallë vendi, cka flet për braktisje të qytetarëve të procesit farsë të 30 qershorit.
