Ahmet Zogu është një ndër politikanët më të debatuar në historinë e Shqipërisë.
Ai jo vetëm është kritikuar, por edhe është konsideruar si një reformator që nisi të hidhte themelet e shtetit të ri shqiptar, pas 5 shekujve të pushtimit osman.
Mbreti Zog nisi zbatimin e projektit për europianizimin e Shqipërisë, jo vetëm në letra, por edhe me shembullin e tij personal dhe të familjes së tij.
Kjo foto historike i përket vitit 1930 kur Ahmet Zogu nisi të promovojë zakonet dhe sjelljet e reja oksidentale, në një vend ende dukshëm oriental.
Plazhi i Durrësit nisi të frekuentohej nga borgjezia e re e vendit dhe nga qytetarët e shtresave të mesme, përgjatë fundjavave dhe pushimeve verore.
Moda e re që u përhap ishte që ti gëzoheshe rrezeve të diellit, rërës dhe ujit të detit, i ekspozuar me kostumet e reja të plazhit, të panjohura deri atë kohë, në këto anë.
/Marrë nga Alfred Peza blogu personal
