Policia ruse vuri në pranga mmbi 1000 protestues të shtunë, të cilët dolën në rrugët e Moskës dhe në qytetet të tjera. Protesta e sotme në Moskë kishte për qëllim kundërshtimin e vendimit të autoriteteve të qytetit, për të vendosur emrin e disa pjesëtarëve të opozitës në zgjedhjet lokale që do të mbahen në shtator.
Vendimi për të ndaluar kandidatët opozitarë për të marrë pjesë në zgjedhje, pavarësisht se ata kishin mbledhur nënshkrimet e nevojshme për një gjë të tillë, ka nxitur një sërë protestash, të mbajtura gjatë këtij muaji.
Opozita pretendon se arrestimet janë politike. Sipas organizatës OVD-Info, janë mbi 1000 persona janë vënë në pranga, ndërsa sipas policisë të arrestuarit janë 295 persona.
Gjithashtu, të arrestuar janë disa prej kandidatëve që nuk janë lejuar të marrin pjesë në zgjedhje, përfshirë këtu Ivan Zhdanov, Ilya Yashin dhe Dmitry Gudkov. Protesta e sotme është thirrur nga lideri opozitar, Aleksei Navalny, i cili është arrestuar më 24 korrik dhe është dënuar me 30 ditë burgim për thirrje të protestave.
Këngë “Rusia pa Putin” dhe “dorëheqja e Putin” i bëri jehonë protestës në Moskë, ndërsa policia e veshur me skafanta dhe me shkopinj goem goditën njerëzit që ishin të pranishëm.
Të paktën një grua dhe një burrë duket se kanë pësuar plagë serioze në kokë. Aktivistët thanë se goditja ishte më e ashpër që nga një valë protestash kundër Kremlinit në 2011-12.
Ngjarjet e së shtunës treguan se si kritikët e Kremlinit dhe sidomos të rinjtë mbeten të synuar për të ndryshuar sistemin e Rusisë ndaj konkurrencës.
Kreu i opozitës së aleancës Aleksei Navalny kishte thirrur protestën për të bindur zyrtarët që të lejonin kandidatët opozitare të kandidonin në votimet e 8 shtatorit.
Autoritetet thonë se ata u ndaluan sepse nuk arritën të grumbullonin nënshkrime të mjaftueshme të vërteta në mbështetjen e tyre.
Kryetari i Bashkisë së Moskës, Sergei Sobjanin, e quajti demonstratën një “kërcënim të sigurisë” dhe premtoi të ruaje rendin publik.
