Fuqia e artit të fotografisë, veç të tjerash qëndron tek fakti se sa më shumë kohë kalon koha nga momenti i shkrepjes, aq më shumë vlerë marin pamjet e fiksuara në to.
E tillë padyshim mund të konsiderohet edhe tabloja e kësaj kartoline, që tregon si ka qenë porti i Shëngjinit, këtu e mbi një shekull më parë.
Porti detar më në veri të Shqipërisë, duket të ketë qenë një nyje e rëndësishme për ekonominë e zonës dhe shkëmbimet tregtare të Shqipërisë së veriut, me vendet fqinje.
Nga pikëpamja e zhvillimit urban, vërtetë numri i godinave rrotull portit duket i pakët, por ajo që bie menjëherë në sy është fakti se shumica dërrmuese e tyre, ishin dy e më shumë katëshe.
Kjo tregon një nivel social- ekonomik të lartë për standartet e kohës, po të kemi parasysh se bëhet fjalë për vitet 1914-1918, kohë së cilës i përket kjo kartolinë e rrallë.
Ajo është prodhuar nga shtypshkronja gjermane “Purger& Co”, me seli në Mynih, e cila ishte shumë e njohur në atë periudhë, për kartolinat e hershme me ngjyra të vendeve të Europës dhe të Mesdheut.
/Marrë nga Alfred Pez@, blogu personal
