Ministri i Jashtëm turk, Mevlut Cavusoglu, ka paralajmëruar se nëse kërcënimet ndaj Turqisë do të vazhdojnë, atëherë kjo e fundit do të nisë një operacion ushtarak në Sirinë Veriore.
Sipas Cavosoglus, një operacion ushtarak mund të fillojë në lindje të lumit Eufrat.
Turqia dhe Shtetet e Bashkuara janë në bisedime për të krijuar një zonë të sigurt përgjatë kufirit në verilindje të Sirisë, ku SHBA-ja mbështet milicinë kurde të YPG-së.
Ankaraja zyrtare e ka konsideruar YPG-në organizatë terroriste.
Cavusoglu shprehu shpresën se një marrëveshje do të arrihej në bisedimet e sotme në Ankara me të dërguarin e posaçëm të SHBA për Sirinë, James Jeffreyn.
