Zbardhen detaje nga vrasja e Festim Latos në Holandë, i vetëshpalluri president i Çamërisë.
Sipas burimeve të policisë holandeze mësohet se mbrëmë dy persona e kanë ftuar për kafe Festim Laton. Ai sapo ka dalë në prag të shtëpisë është qëlluar me armë dhe ka mbetur i vdekur në vend.
Ende nuk dihen motivet e vrasjes së tij, ndërsa miqtë e Latos kanë shkruar në rrjetet sociale se ai u ekzekutua nga shërbimi sekret grek. Sakaq, familjarët janë shprehur për mediat se është vrarë për arsye politike.
