Një nga speciet më të rralla është pikërisht peshkaqeni i bardhë. Emri i tij rrjedh nga ngjyra e bardhë që ka në bark. Ky peshkaqen është i njohur si një grabitqar shumë i rrezikshëm që mund të sulmojë edhe njerëz. Ai mund të arrijë një gjatësi deri në 6 m dhe një peshë deri në 2240 kg.
Peshkaqeni më i madh grabitqar mund të gjendet në ujërat sipërfaqësore bregdetare të të gjitha oqeaneve të mëdha. Gjithashtu edhe në Mesdhe! Por, ajo që është më interesantja, është fakti se peshkaqeni më i madh i bardhë, nuk ndodhet në thellësinë e oqeaneve blu, por në detin Adriatik.
Në Puglia ndodhet peshkaqeni më i madh i bardhë. Në vitin 1979 në Gallipoli (Lecce) u kap një peshkaqen i bardhë rreth 6 metra, në një madhësi shumë herë më të madhe se sa peshkaqenët e peshkuar në oqeanin Paqësor.
Jetëgjatësia e tij arrin deri në 73 vjet. Ai sheh mirë edhe në kushte të lehta të dritës dhe nofullat e tij përbëhen nga 300 dhëmbë që në mostrat e rritur mund të arrijnë deri në 7.5 centimetra.
