Gjykata e Kurbinit dha sot masën e sigurisë “arrest me burg” për Shkëlqim Isufin, 48 vjeç.Ky i fundit akuzohet për veprën penale të “Marrëdhënieve seksuale ose homoseksuale me persona në gjini ose kujdestari”.
Seanca u zhvillua me dyer të mbyllura për shkak se çështja është nën hetim.
Në videon e siguruar Isufi shfaqet i qetë në pritje të vendimit të dhënë ndaj tij. Në seancë nuk është parë asnjë familjar i pranishëm, ndërsa ngjarja duket se ka tronditur dhe të afërmit e tij.
Rasti u bë publik disa ditë më parë në emisonin investigativ “Fiks Fare”. Vajza, aktualisht 18 vjeç, denoncoi të atin se e kishte përdhunuar për 3 vite me radhë, si dhe e kishte dhunuar fizikisht.