Historia e tyre ka pushtuar faqet e para të mediave botërore, pasi princesha Haya vendosi të arratisej dhe të strehohej në Britani, nga frika e të shoqit.
Sundimtari i Dubait është shprehur se gruaja e tij më e re, princesha Haya, kishte ‘kontakt të papërshtatshëm’ me truprojen e saj britanike, pasi i gjeti bashkë gjatë një vizite të papritur në shtëpinë e tyre në Londër.
Sheiku Mohammed al Maktoum u kthye papritur në rezidencën në Londër, pasi kishte ndjekur dasmën e tre djemve në Dubai.
“The Times”, duke iu referuar burimeve brenda familjes së tij, shkruan se sheiku Mohammed ishte tronditur kur e kishte gjetur gruan me truprojën dhe i kishte kërkuar të kthehej me të në Dubai.
Princesha Haya, e cila ështe dhe motra e mbretit të Jordanisë, refuzoi dhe tani është vendosur të përfshihet në divorcin më të shtrenjtë në Mbretërinë e Bashkuar.
Megjithatë, raportet në gazetën “Times” treguan se dyshimet e Sheikut ishin, në fakt, të pabazuara.
Miliarderi Sheikh fluturoi në shtëpi në Dubai, ndërsa gruaja e tij dhe dy fëmijët e tyre mbetën në Londër.
Më vonë ai postoi një poemë në arabisht në mediat sociale duke aluduar për tradhtinë e të shoqes.
Ai shkroi: “Ti tradhtare, ti tradhtove besimin më të çmuar dhe loja jote është zbuluar”.
Më 10 prill të vitit 2004, princesha Haya u martua me Sheikun Mohammed – nënkryetar dhe kryeministër i Emirateve të Bashkuara Arabe dhe sundimtari i Dubait.
Ai ishte 53-vjeç në atë kohë dhe princesha Haya 30-vjeç, e cila u bë gruaja e tij e gjashtë dhe më “e vogla”.
Ai thuhet se ka 23 fëmijë nga bashkëshortet e tij të ndryshme.
Problemet mes tyre filluan vitin e kaluar, kur Latifa, një nga vajzat e sheikut Mohamed, u përpoq të largohej nga vendi.
Në një video që u përhap në mbarë botën, princesha 33-vjeçare pohoi se ajo dhe familja e saj “nuk kishin liri zgjedhjeje” në jetën e tyre dhe se ajo ishte abuzuar.
Latifa thuhet se u arratis me ndihmën e një francezi, por u kap nga disa meshkuj të armatosur jashtë brigjeve të Indisë dhe u kthye në Dubai.
Sipas “BBC“-së, princesha Haya kishte zbuluar fakte shqetësuese rreth përpjekjes së princeshës Latifa për të ikur dhe i ishte nënshtruar presionit në rritje nga anëtarët e familjes së burrit të saj.
Ajo thuhet se nuk ndjehej më e sigurtë dhe u largua në Gjermani, e më pas në Britani të Madhe, ku po qëndron, dhe ka nisur procedurat e divorcit.
