Policia indiane i ka shpëtuar jetën një vajze 3-vjeçare nga vdekja e menjëhershme, e cila ishte planifikuar nga të afërmit që të sakrifikohej.
Ishin pikërisht prindërit e saj që dhanë ‘dritën jeshile’ për vrasjen e vogëlushes, raportojnë mediat lokale.
Incidenti i frikshëm u zhvillua në fshatin Ganakpara të lagjes Udalguri të shtunën.
Policia mbërriti në vendin e ngjarjes pasi u alarmuan nga fshatarët që panë tym duke dalë nga shtëpia e një mësuesi të shkencave, i identifikuar si Jadab Saharia.
Ata u alarmuan edhe më shumë kur panë mësuesin së bashku me anëtarët e familjes së vajzës, një burrë dhe një grua, duke hequr rrobat pasi vendosën 3-vjeçaren në një altar të improvizuar.
Ceremonia e gjakderdhjes do kryhej nga një prift, që mbante në dorë një shpatë të gjatë.
Situata u bë akoma më e tmerrshme kur prifti u bë gati ti priste kokën vajzës me shpatë si pjesë e ritualit.
Të gjitha lutjet drejtuar familjes së saj për të ndaluar gjakderdhjen ishin të kota dhe vetëm zemëruan priftin, i cili filloi të kërcënonte fshatarët që kërkonin të parandalonin krimin, me sëpatë dhe shpatë.
Familja ishte e pakënaqur nga ardhja e mediave dhe policisë. Ata filluan të hidhnin gurë drejt tyre dhe i vunë zjarrin një motori, TV, makine dhe frigoriferi.
Policia u detyrua të qëllonte në ajër për të arrestuar mësuesin, priftin dhe familjarët e vajzës.
Ndërsa shpëtuan 3-vjeçaren nga rituali i frikshëm.
Ajo rezultoi të ishte vajza e motrës së mësuesit të shkencave. Si edhe u dorëzua vullnetarisht nga babai i saj për të shkuar drejt vdekjes.
Vajza do vritej ndërsa nëna e saj e shikonte.
