Një aksident ka ndodhur mëngjesin e sotëm në aksin, Fushë Krujë-Thumanë, ku për pasojë mbetën të plagosur 2 persona.
Mësohet se dy personat që ndodheshin në automjetin tip ‘Fiat’ me targa AA 764 SR udhëtonin nga Tirana për në Laç, ndërsa pranë Thumanës drejtuesi ka parakaluar në krahun tjetër dhe më pas ka humbur kontrollin duke dalë nga rruga dhe për pasojë është përplasur edhe me një shtyllë.
Ende nuk janë bërë me dije identitetet e të plagosurve, të cilët janë dërguar në spital për ndihmë mjekësore ndërsa policia në vendngjarje, vijon hetimet.
