Kryeministri, Edi Rama, duke folur për median mbi zhvillimet e Samitit të Ballkanit Perëndimor në Poznan të Polonisë, tha se vendet e Ballkanit Perëndimor kanë vetëm një rrugë, atë të bashkëpunimit rajonal.
Rama tha se çfarë është planifikuar për të nesërmen është më e sigurt seç ka qenë më parë.
Edi Rama: Është samit për të bërë një bilanc të ecurisë së punëve në terësi në rajonin tonë.Kemi pasur diskutime intensive, interesante, të hapura dhe është me shumë rëndësi që procesi i Berlinit është një proces që konsolidohet vit pas viti, pa diskutim dhe arritjet nuk janë pak.Çfarë është planifikuar për të nesërmen është më e sigurt seç ka qenë më parë. Ne kemi vetëm një rrugë, rrugën e forcimit të bashkëpunimit rajonal. Në këtë aspekt, Bashkimi Europian, në radhë të parë Gjermania por edhe Franca së fundmi me riangazhimin në rajon dhe agjencinë franceze të zhvillimit të përfshirë për herë të parë historikisht në rajon, janë në mbështetje.
