Një shtetas shqiptar ka rënë në prangat e policisë italiane, nën akuzën e trafikimit të kokainës.
Mediat fqinje raportojnë se i arrestuari është shtetasi me iniciale S.R, 36 vjeç.
Policia bën me dije se shqiptari ishte nën kontroll për disa javë, midis muajve shkurt dhe prill. Gjatë kësaj periudhe policia kishte arritur të evidentonte drogën nga një distancë e konsiderueshme, pasi shkëmbimi i drograve bëhej gjithmonë në rrugë, menjëherë pas ardhjes së makinave që shërbenin për trafik.
Lidhur me trafikun e drogës policia ka dokumentuar dhjetë raste të shitjes.
Veprimtaria e koordinuar nga prokurori Stefano Gallo, çoi shpejt në nxjerrjen e një masë paraprake nga gjyqtari Romano Gargarella, për hetimet paraprake.
Gjatë kontrollit të shtëpisë së shqiptarit u gjetën dhe sekuestruan disa doza kokainë e paketuar.
Shqiptari ishte munduar të fshihte kokinën, duke i hedhur ato nga dritarja, pesha e së cilës ishte vetëm disa gram.
Aktualisht shqiptari është nën arrest shtëpiak duke pritur që të paraqitet para gjyqtarit për marrjen në pyetje.
