Meqenëse zgjedhjet e 30 Qershorit na dolën moniste, strategjia e re e opozitës për ta rrëzuar Edi Ramën, mësohet se qenka marë nga ajo periudhë.
Kur ndonjë artist apo sportist vinte nga jashtë shtetit, sigurimi i mësonte se kur të afërmit ti pyesnin se si jetohej në vendet borgjeze, ata duhej të përgjigjeshin:
Atje klasa punëtore vuan aq shumë, sa për ta laguar vëmendjen nga revolucioni, kapitalistët u jepnin punëtorëve makina.
Nisur nga kjo, strategjia e “revolucionit popullor” të Lulit paska qenë më e thellë sesa e kishim menduar. Qëllimi i opozitës më 30 Qershor, nuk paskërkësh qenë për të rrëzuar Edi Ramën. Por, për ti dhënë atij përveç pushtetit qëndror, edhe pushtetin lokal.
Pas kësaj, Rama duke u marë gjithë kohën edhe me qeverinë në Tiranë edhe me 61 bashkitë në gjithë Shqipërinë, nuk do ta ketë më mendjen tek “revolucioni”.
Kështu opozita do ta kapi në befasi dhe do ta rrëzojë, për ta dërguar njëherë e përgjithmonë në shtëpi.
/Marrë nga Alfred Pez@, blogu personal
