“Çfarë kënaqësie të ritakohemi. Nuk e mendoja që do të vinit këtu.”
Këto janë fjalët e mirëseardhjes të shefit komunist tw Koresë së Veriut Kim Jong Un duke i dhënë dorën presidentit USA Donald Trump në tokën në veri të paralelit 38 që ndan kombin korean.
Si çdo president amerikan më vizitën e tij në Korenë e Jugut ai është ngjitur në një kullë vrojtimi të DMZ, akronim i Zonës së Demilitarizuar, por që në fakt është një rrip toke paralel me të cilin nga të dy anët shtrihen përqendrime ushtarake që e bëjnë një nga zonat më të militarizuara të globit. Ky është një rit që e bën çdo president amerikan që viziton Korenë e Veriut por në ndryshim nga ata që visheshin me uniformë ushtarake, Trump ishte me kostum civil dhe kravatë.
Këtu ka qenë një konflikt i tmerrshëm dhe rreth e rrotull ka qenë mbjellë vdekja, tha Trump. Dhe ja ku jemi tani në një klimë të qetë ndaj askush mos thotë që nga përpjekjet e mia nuk është arritur asgjë, vazhdoi ai.
Pas kësaj ai ka kaluar paralelin 38 duke hyrë në zonën koreano-veriore ku e ka pritur Kim Jong Un. Këtu ai i ka ofruar të vizitojë Shtëpinë e Bardhë, ftesë së cilës Kim nuk i është përgjigjur menjëherë.
Po ndodhin gjëra pozitive, një mal me gjëra pozitive, deklaroi Trump duke u rikthyer ne zonën koreanojugore.
