Qyteti i Beratit në Shqipëri është thjesht qyteti malor më joshës në Europë, fillon reportazhin e saj për qytetin e “një mbi një dritareve” portali amerikan “Nothing Familiar” që i kushtohet udhëtimeve në botë.
“Nëse do të ndodhej në një vend më popullor si Italia apo Franca autobusët me turistë do të ishin në radhë dhe njerëzit do ishin duke u ngjeshur në çdo rrugicë. Për fatin tonë të mirë nuk ishte kështu! Megjithatë, situata mund të ndryshojë shumë shpejt. Berati nuk ngjason me asnjë qytet tjetër që keni parë, duke filluar nga godinat e ngecura në mal dhe duke vazhduar me dritaret e panumërta që shkëlqejnë nën dritën e diellit”, shkruan portali amerikan.
Të eksplorosh qytetin e “një mbi një dritareve”
Pas rreth pesë orë udhëtim mbërritëm në Berat të lodhur, por menjëherë u magjepsëm nga dritaret e panumërta dhe godinat që zinin anën e malit. Sinqerisht nuk kishim asnjë ide për Beratin deri sa mbërritëm në Shqipëri. Ushqimi këtu është i mrekullueshëm, i pasur me aroma, banorët janë miqësor dhe ka shumë aktivitete që mund të zhvillohen. Berati është klasifikuar si trashëgimi botërore në UNESCO, bashkë me Gjirokastrën dhe Parkun Kombëtar të Butrintit. Është e lehtë të kuptosh përse ky qytet ka marrë këtë nder falë arkitekturës së tij osmane, lumit që hyn deri në qendër dhe i hapur ndaj kulturës dhe besimit. Dhe pasi i jep një vështrim të shpejtë shtëpive tradicionale do të kuptosh përse pseudonimi i tij është qyteti i “një mbi një dritareve”!
5 gjëra që nuk duhen humbur në Berat
Ngjituni deri në Kështjellën e Beratit për të pasur një pamje të plotë të qytetit.
Udhëtoni nëpër qytetin e Beratit dhe mos harroni të merrni me vete kamerën.
Ngjit për rreth një orë e gjysmë përgjatë lumit malin që bie mbi qytetin dhe Kështjellën e Beratit.
Bëni një shëtitje përgjatë Lumit Osum në perëndim të diellit para se të shijoni një gotë verë.
Mos harroni të hanë ushqime tradicionale Shqiptare.
Ngjitja në Kështjellën e Beratit
Nëse ka diçka që duhet të bëni patjetër në qytet (përveç se të dëndeni duke ngrënë ushqim tradicional) është ngjitja në Kështjellën e Beratit. Duhet përmendur se deri aty mund të shkoni edhe me makinë, por nuk është edhe aq argëtuese. Nëse ngjitesh nga qendra e qytetit mund të vazhdoni në rrugën kryesore deri në pjesën e sipërme. Çasti më i mirë për të bërë këtë ngjitje është herët në mëngjes, sepse nuk ka aspak turistë dhe nuk është as nxehtë.
Brenda mureve të qytetit ka rreth 200 familje që ende jetojnë sipas mënyrës tradicionale. A mund ta imagjinosh të kesh shtëpinë brenda në kështjelle që ndodhet në një zonë të shpallur trashëgimi botërore në UNESCO? Aty ka shumë vende ku mund të shëtisës dhe mund të gjeni edhe kafene për të pirë kafe apo për të ngrënë mëngjes.
Një ditë për të pasionuarit e ushqimit në Berat
Në Berat mund të gjeni ushqimin më tradicional nga çdo pikë turistike bregdetare në Shqipëri.
Mëngjesi: Uluni në oborr dhe merrni një kafe dhe byrek pasi jeni ngjitur deri në Kështjellën e Beratit.
Drekë: Patëllxhanë të mbushur, fërgesë dhe qengj i pjekur janë disa nga opsionet më të mirë.
Darka: Sallatë, qofte dhe lepur të pjekur në furrë të shoqëruar me verë të zonës.
