Një aksident rrugor me pasojë plagosjen e dy personave ka ndodhur sot në aksin rrugor Lezhë-Shkodër.
Nga të dhënat e para thuhet se në aksident janë përfshirë një makinë tip “BMW” dhe një motoçikletë ndërsa kjo e fundit për shkak të përplasjes është përmbysur. Drejtuesit e mjeteve raportohet se kanë marrë lëndime të vogla, por fatmirësisht pa pasoja për jetën.
Dyshohet se shkak për aksidentin është bërë humbja e kontrollit të motoçikletës nga drejtuesit i saj dhe në tentativë për të shmangur përplasjen, drejtuesi i mjetit “BMW” ka devijuar levizjen duke përplasur motorin.
