Tema e diskutimit në emisionin e mbrëmjes së sotme “360 Gradë” është: “Bild “sulmon” qeverinë? Pse?”
Në grupin e të ftuarve, ndër të tjerët është dhe avokati i njohur Genc Gjokutaj, i cili gjatë diskutimit të shtimit të rojeve të vendosura për ruajtjen e kryetarit të opozitës, Lulzim Basha, pas denoncimit për kërcënim, ka habitur kur e ka quajtur këtë motiv të gënjeshtërt. Jo të ndërmarrë për çështje sigurie, por për të vjelë sa më shumë informacion.
“ Ministri i Brendshëm duhet të vërë në dijeni Presidentin, Shefin e Shërbimeve, komandantin e Gardës. Të ecë në linjë zyrtare nëse vëretët kryetari i opozitës është në rrezik fizik për jetën. Pasi thirrja e një badigardi të cilit i thuhet “do komunikojmë verbalisht dhe jo shkresërisht” është një metodë që tregon degradim të institucioneve, shpërfillje të institucionit nga ana e ministrit të Brendshëm, garantit të jetës. Kjo duhet dënuar me forcë, duhet mbajtur qëndrim ligjor”,- ka artikuluar Gjokutaj.
“Në fakt për mua kjo është një histori si të gjitha të tjera, hyn tek skenari dhe pjesa e marrëzisë së një pushteti që nuk po mban mend se cfarë po bën. Kjo është një marrëzi. Por duhet të dini që shtimi i rojes kreut të opozitës nuk është për cështje sigurie. Ka një praktikë në të gjitha vendet jo demokratike. Shtimi i rojeve është për të marrë informacion. Është një arrest ambiental. Ti dukesh sikur je i lirë por në fakt je në arrest. Nëse kjo ka ndodhur kjo nuk ka lidhje me sigurinë. Dëshiroj të mos ketë ndodhur”- ka thenë më pas avokati
