“Jam njoftuar për të gjitha ofertat dhe kërkesat që bëhen në prapaskenë dhe më duhet të them se presidenti i ardhshëm i Komisionit Europian duhet të zgjidhet në mënyrë të hapur, transparente dhe demokratike”.
Kështu deklaroi sot presidenti i Komisionit Europian, Jean-Claude Juncker në fjalimin e tij në Erfurt, në Këshillin Rajonal të Thuringisë, në Gjermani.
Pas zgjedhjeve të Parlamentit Europian në muajin maj, vihet re një ndryshim i rrymave politike në BE, ku së shpejti nisin edhe procedurat për zgjedhjen e krerëve më të lartë të institucioneve të saj.
