Ish-ministri i Brendshëm, Fatmir Xhafaj, i ka drejtuar një sërë akuzash kryetarit të Partisë Demokratike, Lulzim Basha.
Xhafaj tha se politika akuzon Reformën në Drejtësi, sepse ka frikë dhe paranojë. Xhafaj tha se frika është majtas dhe djathtas, duke thumbuar kështu Partinë Socialiste.
Pjesë nga fjala e Xhafaj:
Presidenti dhe qeveria s’kanë përgjegjësi për zgjedhjet. Presidenti s’ka më asnjë fuqi që në momentin kur nxjerr dekretin. Opozita me presionin e rrugës do të nxjerrë situatën jashtë rregullave kushtetues. Ai që kryeson opozitën as motivon as frymëzon. Si mund të frymëzojë për zgjedhje të lira, një njeri që ka bërë pis çdo palë zgjedhje ku ka hyrë, ku është futur nën hetim edhe nga SHBA, për shkelje të zgjedhjeve të lira. Një njeri me bilancet më negative si ministër i Brendshëm. Si mund të flasë ky njeri për reformën në Drejtësi. Ky njeri që iku nga drejtësia dhe tentoi t’a zvarrisë. Duhet të tregonim më shumë angazhim, por Reforma në Drejtësi është në rrugën e duhur. Akuzat janë paranoja dhe frika për të nesërmen. I kam parë, dhe ndjerë djathtas dhe majtas.
