Që në shekullin e 18-të, Jeremy Bentham, shkroi: “Dhimbja dhe kënaqësia na drejtojnë në gjithçka që bëjmë, në të gjitha që themi, e në të gjitha që mendojmë”.
Neuroshkencëtarët modernë e mbështesin fuqishëm intuitën e Bentham, pasi sistemi limbik i trurit, i cili është i rëndësishëm për emocionet dhe motivimin, projekton në pjesën tjetër të trurit, duke ndikuar në çdo aspekt të qenies sonë, nga aftësia jonë për të mësuar, tek njerëzit që shoqërojmë, në vendimet që marrim.
Nuk është e çuditshme, pra që kur përpiqemi të motivojmë njerëzit përpiqemi të nxjerrim një parashikim të kënaqësisë duke premtuar shpërblime, për shembull, një bonus, një promovim, etj.
Ose përpiqemi të paralajmërojmë dhimbjen e ndëshkimit, reagime negative, poshtërim publik etj.
Por ajo që nuk është gjithmonë e qartë është se cilën duhet të përdorim, premtimin e karotave apo kërcënimin e shkopinjve?
Një studim i kryer në spitalin shtetëror të New Yorkut jep disa përgjigje. Qëllimi i këtij studimi ishte rritja e frekuencës së sterilizimit të duarve të doktorëve, pasi në mjediset mjekësore është tejet i rëndësishëm për parandalimin e përhapjes së sëmundjeve.
Personeli mjekësor ishte bërë i vetëdijshëm në mënyrë të përsëritur por rezultoi se vetëm 10 për qind e të gjithë personelit sterilizonin duart përpara hyrjes në dhomë të një pacienti.
Kjo ishte përkundër faktit që punonjësit nuk e dinin se po regjistroheshin. Por më pas gjërat filluan të ndryshojnë, pasi në korridorin e njësisë u instalua një tavolinë elektronike e cila sa herë që doktorët sterilizonin duart u jepte një reagim pozitiv të menjëhershëm.
Numri i personelit që filloi të sterilizonte duart u rrit ndjeshëm duke arritur pothuajse 90 për qind në vetëm katër javë.
Pse funksionoi kaq mirë ky intervenim? Përgjigja jep një mësim të përgjithshëm i cili shkon përtej larjes së duarve.
Në vend që bordi i drejtuesve të përdorte kërcënimin për përhapjen e sëmundjes, ata zgjodhën një strategji pozitive.
Çdo herë që një anëtar i personelit lante duart merrte një reagim pozitiv, të tillë si Bravo, Kështu vazhdo, duke shkaktuar një sinjal shpërblimi në tru, duke përforcuar veprimin që e ka shkaktuar atë dhe duke e bërë këtë ngjarje të përsëritet në të ardhmen.
