Kryeministri Edi Rama do zhvillojë të hënën (10 qershor) një vizitë zyrtare në Bruksel.
Rama do takohet me kreu e KE, Jean-Claude Juncker. Vendimi për hapjen e negociatave pritet të jetë pjesë e bisedimeve mes kryeministrit dhe Juncker.
Vizita e Ramës vjen pak ditë para mbledhjes së Këshillit të Ministrave të BE. Më 18 qershor Këshilli i Ministrave pritet të marrë vendimin për hapjen ose jo të negociatave me Shqipërinë dhe Maqedoninë e Veriut.
Ndërsa vendi është përfshirë nga kriza politike. Opozita do mbajë pasditen e sotme (8 qershor) protestën e 8-të kombëtare.
Protesta do zhvillohet në orën 19:00 para Kryeministrisë.
Opozita kërkon dorëheqjen e kryeministrit Rama ndërsa u ka bërë thirrje qytetarëve ti bashkohen protestave deri në largimin e kësaj qeverie.
