Policia e Kukësit ka vënë në pranga 17-vjeçarin I.L i cili u përfshi në një aksident të ndodhur më datë 5 qershor në hyrje të qytetit të Krumës.
17-vjeçari edhe pse një vit më i vogël nga sa lejon ligji për marrjen e një patente të drejtimit të automjetit, po udhëtonte me makinën tip ‘Golf’ ku në vendin e quajtur ‘Ura e Pekës’ është përplasur me një tjetër automjet tip ‘Opel’.
Nga ky aksident u plagos vetë 17-vjeçari I.L, drejtuesi tjetër i mjetit ‘Opel’ L.P si dhe vajza e tij L.P.
Të dëmtuari ndodhen ende në spitalin Rajonal të Kukësit dhe janë jashtë rrezikut për jetën. Zona ku ndodhi aksidenti njihet si një aks tepër i rrezikshëm për shkak të kthesave të shumta dhe fushë pamjes së ulët.
