Është hedhur shorti për gjyqtarin e seancës paraprake te Krimet e Rënda që do të ndjekë dhe do të marrë në shqyrtim një pjesë të “Dosjes 339”.
Gjyqtari i caktuar me short është Fran Prendi. Ky i fundit do të ndjekë seancën paraprake, e cila do të përcaktojë nëse kjo dosje do të kalojë për gjykim ose je. Prendi është gjyqtar i njohur, i cili ka ndjekur shumë çështje të rëndësishme, si dosjen Shullazi apo atë të Arben Frrokut.
Të pandehur në këtë dosje janë: Ramadan Dushaj, Rezart Çaçani, Fatbardh Gostini, Neritan Saraçi, Ardit Haxhagiqi, Gentjan Marku, Oltion Noka, Fation Marku, Samuel Ndoka, Vilson Ndoka, Elis Guri, Luan Boça.
Hetimet për këtë dosje kanë nisur që në vitin 2016, ndërsa në vjeshtën e vitit që lamë pas u finalizuan me operacionin “Vol-Vo 4”, ku u arrestuan 27 personat dhe u prenë 44 fletëarreste. Nga përgjimet e kryera për këtë dosje, u zbulua implikimi i punonjësve të Policisë dhe zyrtarëve të tjerë në vepra penale, për të cilat një pjesë janë duke u hetuar ende nga Prokuroria për Krime të Rënda.
Përgatiti: AlpeNews.al
