Një ngjarje e rëndë ka ndodhur në Çair të Maqedonisë gjatë gërmimit të një kanali për furnizim me ujë.
Viktimat janë vëllezërit shqiptarë, Mensur Mustafa dhe Abdulkerim Mustafa, respektivisht 26 dhe 28 vjeç. Ndërsa i plagosur ka mbetur një 54-vjeçar që është nxjerrë në gjendje të rëndë nga dheu.
Ngjarja e rëndë ka ndodhur dje, ndërsa trupat janë gjetur vetëm pas disa orësh gërmime.
I pari që ka tentuar të shpëtojë dy vëllezërit ka qënë babai i tyre që po ashtu punonte aty, së bashku me banorët në zonë. Por për fat të keq asnjë nga dy vëllezërit nuk kanë mundur të shpëtojnë.
