Në rubrikën tonë të përditshme “Spring në Alpe” kemi zgjedhur t’iu sjellim Voskopojën si një zonë që po vizitohet shumë në këtë periudhë.
Voskopoja është një njësi administrative që ndodhet rreth 21 km larg nga qyteti i Korçës mbi një pllajë 1160 metra mbi nivelin e detit
Një nga banorët e zonës Renato Nikolla i pyetur nga AlpeNews.al se çfarë pëlqejnë më shumë turistët në Voskopojë shprehet: Pikë së pari mund të përgjigjem me bindje të plotë se kush e ka vizituar Voskopojën, djepin e kulturës është rikthyer sërish.
Unë mendoj se nuk mund të largohesh nga Voskopoja pa kuptuar domethënien, leximin e afreskeve shekullore, pa prekur natyrën e virgjër që e rrethon këtë vend magjik, nuk mund të largohesh pa provuar shumëllojëshmërinë e gatimeve tradicionale Voskopojare.
Gjithashtu nuk mund të largohesh nga Voskopoja pa parë shtëpitë karakteristike të ndërtuara mbi gur, pa mësua nga kulturae Voskopojës, pa “prekur’ mikëpritjen bujare të voskopojarëve, pa ndjerë aromën e luleve në verë, nuk mund të largohesh pa eparë Voskopojën të “veshur” me vellon e bardhë në Dimër, pa shkuar në burimet e ftohta të ujit, pa provuar të kalërosh si dhe pa provuar sportin e skive.
Çdokush që vjen në Voskopojë merr me vetë një kujtim të pa harruar.
Për këtë dhe shumë arsye të tjera duhet vizituar Voskopoja “djepi i kulturës” e cila e ka zanafillën që prej vitit 1330, me djegie e shkatërrime dhe me ndërtime e lulëzim të saj.
AlpeNews.al ju sjell pamje nga Voskopoja e “mbipopulluar” me turistë.
E pozicionuar bukur mes kodrave, pyjeve me gjelbërim të përhershëm, Voskopoja është vendi ideal për t’u vizituar, në të gjitha stinët e vitit.
Është e bukur në pranverë ku natyra, gjelbërimi dhe ngjyrat e stinës bëhen bashkë duke krijuar një tablo natyrore mjaft piktoreske.
Përgatiti: AlpeNews.al
