Kryeministri Rama u shpreh nga foltorja e Kuvendit sot se Raporti i KE nuk është ai i nje viti me parë duke hedhur keshtu poshtë të gjitha pretendimet e opozitës.
Pjesë nga fjala e Ramës:
“Raporti i Komisionit nuk është surprizë dhe nuk është i njëjti me atë të një viti më parë. Sot, kemi bërë progres.
Nuk themi se kemi arritur objektivin fundor. Ky objektiv arrihet me anëtaresimin në BE.
Sot flasim per nje fazë të ndermjetme që duhet nisur me hapjen e negociatave. Raporti i Komisionit është raporti më i besueshem nderkombetar në raport me çdo detaj të problematikave të ketij vendi në rrugën e BE dhe hedh poshtë çdo perpjekje për ta treguar reformen në drejtësi si një dështim.
Të gjithe atyre që i bien fyellit në ate vrimen e vetme për të bërë te njejten muzikë sot mund te thuhet me plot gojë se në ate pasqyrë Shqipëria mund te shohë çfare ka bere dhe çfare mund të beje.
Drejtësia sot është larg drejtësisë që duam, por është transformuar rrenjesisht nga ajo që ka qenë.
Këtë e thoshte shkoqur edhe ministri i shtetit gjerman për Evropën.
Ne mbetemi te vendosur qe te stimulojmë një proces dialogu me opozitën por padyshim nuk kemi asnje gadishmëri për të negociuar Kushtetutën”, u shpreh Rama.
/AlpeNews.al
