Pas protestës së dhunshme të opozitës në datë 11 maj ku militantët i vendosën flakën me molotov Kryeministrisë, pamjet bënë xhiron e medieve ndërkombëtare duke sjellë anulimet e rezervimeve nga shumë turistë.
Kryeministri Rama dhe më pas Presidenti Meta u shprehën pak ditë më parë se ‘Për fat të keq, kriza politike ku ndodhet vendi, po sjell pasoja tepër të rënda edhe në ekonomi. Efektet e para kanë filluar të ndihen në turizëm” duke bërë thirrje për dialog.
I ndodhur përballë situatës ku të huajt janë të frikësuar nga protestat e dhunshme të opozitës, Basha duket se ka qenë i detyruar që të promovojë para të huajve një album me 200 nga fotot më të bukura të Shqipërisë.
“Një album me 200 foto nga më të bukurat e Shqipërisë, të vendeve të njohura apo edhe të atyre fare pak të njohura, është kartolina që ka tërhequr vëmendjen e kryetarit të opozitës Lulzim Basha, për të prezantuar Shqipërinë tek personalitetet që takoi gjatë vizitës së punës në Londër.
Ky album me pamje nga më të bukurat të natyrës së magjishme shqiptare, është përzgjedhur prej kryetarit Basha si pjesë e protokollit të takimeve me parlamentarë, lordë dhe figura të njohura të politikës britanike. Në takimet me miqtë e huaj, lideri i opozitës prezantoi si dhuratë albumin “Homeland”, këtë përmbledhje të eksploratorit, alpinistit dhe fotografit të njohur Fation Plaku. Edhe pse nuk dihet nese Basha i ka kerkuar leje autorit te librit per kete promovim?
Bisedat për situatën e rëndë politike në Shqipëri nuk e kanë penguar kryedemokratin Basha që të prezantoje edhe anën tjetër të medaljes, me të cilën shqiptarët mburren me të drejtë, natyrën e mrekullueshme, duke i ftuar miqtë e huaj ta vizitojnë Shqiperinë” njofton zyra e shtypit të selisë blu.
