Që pas djegies së mandateve nga opozita me në krye Lulzim Bashën dhe Monika Kryemadhin hyrjet apo qendrimet në Kuvend kanë qenë më shumë se të komentuara.
Fillimisht, ishte vajza e Azem Hajdarit, Rudina ajo që do të refuzonte djegien e mandatit. Shpejt, figura e saj u bë një ndër më të komentuarat, duke I ndarë kështu mbështetësit në dy kampe, pro dhe kundër.
Veç atyre që u bashkuan me vendimin e Rudinës, kishte të tjerë që nisën “talljen” në rrjete sociale sapo Hajdari bëri gafën e parë, të dytë, të tretë e me radhë nga foltorja e Kuvendit.
Megjithatë, ecuria e saj duket pozitive edhe për faktin se është integruar shpejt në Komisionet e caktuara.
Nëse Rudina ishte një deputete që qendroi, ata qe erdhën si pjesë e listave krijuan një debat të madh në opinionin publik që vijon ende dita ditës.
Nga PD tek LSI, filluan rrjedhjet. Kështu pershembullm Ylli Shehu nga LSI me pranimin e mandatit u zbulua në të njëjtën kohë edhe këngët e tij aspak të suksesshme në “Youtube”. Por Shehu gjithsesi nuk u shqetësua për këtë fakt, ndonëse “ka rënë” vrulli I tij I fillimit.
Elda Hoti gjithashtu nga LSI, pranoi mandatin edhe pse dukej shumë e afërt me Kryemadhin. Hoti dukej mirë, derisa kur u pyet në “Opinion” se kur ishte themeluar LSI dhe tha se nuk e dinte.
Megjithatë, Hoti ka avancuar pozitivisht nga koleget e saj të LSI të cilat veç fustaneve me xixa të enjteve të Kuvendit ende nuk kanë treguar asgjë tjetër.
Jo se është detyrim, por meqë tanimë ajo e përfaqëson si forcë politike, ndoshta këtë detaj herë tjetër duhet ta lexojë.
Ralf Gjoni, i ardhur po nga LSI, këshilltari i Ilir Metës madje e ka bere inagurimin e tij diten e parë si deputet me…bojë.
Ndonëse një “skandal” edhe fama e tij zgjati vetëm 24 orë dhe është e vështirë që sot te besh diferencën e fjalimeve të tij apo të mbash mend qoftë edhe ndonjë fjalë.
Një tjetër hyrje e pazakontë për shkak të moshës është ajo më e fundit e Selami Jenishehrit.
Thënë kjo pasi ai është plot 77 vjeç dhe me shumë energji për të përfaqësuar pensionistët në Kuvend. Teksa dëgjon intervistën e tij kur flet për marrëdhenien me Bashën, të lind herë pas here pyëtje nëse po gënjen ai…apo Basha.
“Qershia mbi tortë”, është padyshim Kujtim Gjuzi. Mund të jetë një nga personazhet që nuk do harrohen lehtë në Kuvendin e Shqipërisë edhe për faktin se duket se mezi e ka pritur këtë moment. Kjo ëvrtetohet lehtë edhe nga KQZ, anëtarë të së cilës filluan të “ankoheshin” për prezencën e tij në pritje të mandatit, çdo ditë.
Gjuzi me siguri do të mbahet mend për shumë gjëra, por ora e “Atlantikut”, celulari 7000 euro apo edhe mënyra e drejtëpërdrejt që flet do të kenë rol të veçantë.
Ndërkohë që proçesi i pranimit të mandateve vijon, duhet thënë se niveli intelektual i opozitës që ka qenë (një pjesë e tyre), me atë që është sot ka një ndryshim të madh.
Vizioni politik gjithashtu. Askush nuk flet për program, por të gjithë flasin për veten.
Përgatiti: AlpeNews.al
