Në rubrikën tonë të përditshme “Spring në Alpe” kemi zgjedhur t’iu sjellim një nga fshatrat e Vlorës, Dukatin.
Duhet theksuar fakti që fshatin Dukat janë bërë një sërë investimesh, një pjesë e të cilave në proces, të cilat synojnë të evidentojnë vlerat e fshatit dhe ta rivitalizojnë atë.
Pa dyshim që kjo gjë i atribuohet bashkisë së Vlorës, e cila përveçse vëmendje së drejtuar drejt qytetit, të transformuar tashmë, nuk “lë pas dore” as fshatrat.
Fshati Dukat ndodhet në jug të Gjirit të Pashalimanit dhe kufizohet në verilindje me Tragjasin, në lindje me Tërbaçin, në jug me Palasen, e në perendim laget nga deti Adriatik e ai Jon.
Ky fshat piktoresk është i vendosur ne këmbët e maleve Paliske e Qore, në një gryke të thelle e të thyer, me perrenj te shumtë. Ai ngelet në shekuj kështjellë e pathyeshme natyrore.
AlpeNews.al ju sjell pamje nga fshati Dukat në Vlorë.
Fshati Dukat është një nga qendrat e banuara më të vjetra në rajon. Dëshmitë e para historike mbi këtë zone datojnë që në fillimet e mijëvjeçarit të parë pas Krishtit. Me nje histori të gjatë dhe tradita të pastra, të ruajtura me xhelozi ndër shekuj, fshati Tragjas është një dëshmi e pastër e identitetit te jugut te Shqipërisë.
Në ketë fshat aktualisht gjenden produkte tipike si vaji i ullirit, mjalti apo vera, të përqendruar në punishte të vogla familjare.
Përgatiti: AlpeNews.al
