Në rubrikën e përditshme “Spring në Alpe” kemi zgjedhur t’iu sjellm një pamje të veçantë nga Kukësi e pikërisht nga mali Kornitik.
Mali i Korintikut është një nga pikat atraktive në periferinë e Kukësit, ku turistët , përgjithësisht të huaj, e zgjedhin si një destinacion për të kaluar pushimet.
E ndërkohë që fushat janë të gjelberuara, majat më të larta të malit mesa duket nuk “ndahen” dot nga dëbora, e cila mme pjesë të vogla, duket në majë të saj.
Mungesa e investimit në këtë zonë ka bërë që e vetmja mënyrë që turistët të qëndrojnë aty është ngritja e kapmeve turistike.
Normalisht që duhet theksuar fakti që bashkia e Kukësit, nuk e ka vlerësuar atë si një potencial turistik, duke mos investuar aspak.
PAK PËR MALIN E KORINTIKUT:
Korintiku është një mal në vargmalin e Korabit, në rrethin e Kukësit, me lartësi 2396 m. Shtrihet në skajin më verilindor të vargut, midis pellgut të Kukësit e luginës së Drinit të Bardhë në veriperëndim dhe luginës së përroit të Orgjostit në juglindje. Në verilindje përfundon në pellgun e Prizrenit, kurse në jugperëndim gryka e lumit të Lumës e ndan me malin e Gjallicës.
AlpeNews.al ju sjell pamje nga mali Korintiku në Kukës.
Përgatiti: AlpeNews.al
