Zëvendës ministri i mbrojtjes në Maqedoni Bekim Maksuti, njëkohësisht edhe profesor, i ftuar në emisionin televiziv “Shkurt e Shqip”, i është bërë një pyetje “me spec”, ku kishte brenda edhe përgjigjen.
“Kush e ka shkruar Mesharin e Gjon Buzukut”, e pyet gazetarja Zv. ministrin.
Meshari është një vepër e shkruar nga Gjon Buzuku dhe gazetarja i kishte dhënë njëkohësisht edhe përgjigjen.
Maksuti përvec faktit që nuk e dinte autorin e vërtetë të saj, kritikoi dhe të rinjtë të cilët nuk e dinin këtë gjë. Përgjigjja e tij është epike dhe njëkohësisht një gafë shumë e madhe e bërë nga një profesor.
Profesori u shpreh se: “Sigurisht që unë e dëgjova këtë në një anketim në televizor, dhe ishte vërtëtë jo vetëm nënçmuese, por edhe për të ardhur keq, se të rinjtë tanë nuk dinë në këtë drejtim… Mesharin e Gjon Buzukut e ka shkruar Marin Barleti dhe është një nga veprat e para të cilën ne e kemi në letërsinë shqipe”.
Pra i dashur profesor përpara se të kritikosh “studentët” e tu, më mirë mësoje një herë vetë.
Për më shumë ndiqeni të plotë videon në vijim.
Përgatiti AlpeNews.al
