Kryetarja e LSI-së, Monika Kryemadhi ka prezantuar sot në Konventën e Partisë, platformën ekonomike. Monika Kryemadhi në fjalën e saj në konventë tha: “ E di se jemi të pakët në numër por kaq sa kemi mbetur jemi snajpera”. Nga kjo Kryemadhi konfirmoi se LSI-ja po sfumohet dhe po zvogëlohet. Ndoshta askush nuk e kishte parashikuar që LSI-ja të “shkërmoqej” kaq shpejt.
Para se të behej president ish lideri i kësaj force politike, Ilir Meta e trumbetonte LSI-n se ishte “forcë e pare”, “forcë e paparë”.
Por cilat janë pikat që e bënë partinë e cila ishte e vogël, mori rritje dhe po zvogëlohet sërish:
Pika 1. Dorëheqja nga posti i kryetarit të LSI-s, Ilr Meta dhe vendosja në krye të presidencës.
Pika 2. Ikja e anëtarëve të këshillave bashkiakë të LSI-s dhe bashkimi i tyre me mazhorancën.
Pika 3. Deputeti Robert Bitri i cili nuk pranoi të ishte më pjesë e LSI-s, pas debateve me Kryemadhin ai e deklaroi veten si deputet i pavarur.
Pika 4. Djegia e mandateve, Kryetarja e LSI nuk gjeti mbështetjen nga të gjithë deputet pasi ish miku i Ilir Metës, Lefter Koka nuk e dorëzoi mandatin.
Pika 5. “Tradhtarë” ashtu siç i quajti Kryemadhi deputetët të cilët pranuan mandatin që u takonte me të drejtën e Ligjit. Sot LSI ka në parlament 14 deputetë dhe 3 i duhen të plotësohet numri i plotë.
Përagtiti: AlpeNews.al
