Policia e Shkodrës ka vënë në hetim në gjendje të lirë 10 persona për bllokimin e rrugës dje në urën e Bahçallëkut në hyrje të Shkodrës, mes të cilëve kreu i Partisë Demokratike në këtë qytet, dhe kryetari i FRPD-së së Shkodrës.
Policia sqaron se të proceduarit në gjendje të lirë në bashkëpunim me njëri-tjetrin, kanë mbledhur rreth 70 persona në një tubim të paligjshëm duke bllokuar të dy krahët e lëvizjes në urën e Bahçallekut, prishur rendin e qetësinë publike dhe kanë kundërshtuar forcat e policisë.
Mes të hetuarve në gjendje të lirë janë edhe kreu PD-së në Shkodër, Xhevdet Amuli dhe kryetari i Forumit Rinor të PD-së në Shkodër, Arvit Bushati. Për çudi në mesin e të proceduarve bie në sy se vetëm dy zyrtarët e PD-së dhe një tjetër janë me arsim të lartë. Ndërkohë që 7 të arrestuarit e tjerë janë vetëm me 8-vjeçare dhe disa me gjimnaz.
Njoftimi
Më datë 26.04.2019, ora 18:00, u referuan materialet hetimore në Prokurorinë pranë Gjykatës së Shkallës së Parë Shkodër, për shtetasit
1. Arvit Bushati, i datëlindjes 03.09.1990, banues në lagjen Perash, Shkodër, me arsim 16 klasë
2. Xhevdet Amuli, i datëlindjes 16.12.1964, banues në lagjen Gurrile, Shkodër, me arsim 16 klasë
3. Gezim Kraja, i datëlindjes 24.08.1970, banues në lagjen Perash, Shkodër, me arsim 16 klasë
4. Halit Meta, i datëlindjes 01.02.1969, banues në lagjen Kongresi i Përmetit, Shkodër, me arsim 12 klasë
5. Nikoll Marku, i datëlindjes 16.05.1957, banues në fshatin Gomsiqe, Shkodër, me arsim 12 klasë
6. Selami Hoxha, i datëlindjes 24.02.1964, banues në lagjen 10 Korriku, Shkodër, me arsim 12 klasë
7. Martin Ndoci, i datëlindjes 29.07.1965, banues në lagjen Skenderbeg, Shkodër, me arsim 8 klasë
8. Bardhok Kinaj, i datëlindjes 22.07.1970, banues në lagjen Perlat Rexhepi, Shkodër, me arsim 8 klasë
9. Pjeter Mhilli, i datëlindjes 15.01.1955, banues në lagjen Salo Halili, Shkodër, me arsim 8 klasë
10. Gjergj Çuni, i datëlindjes 10.11.1963, banues në lagjen Skenderbeg, Shkodër, me arsim 8 klasë.
