Kryeministri i Kosovës, Ramush Haradinaj dhe Presidenti Hashim Thaçi kanë bërë sot homazhe te Obelisku, memorial i të Pagjeturve në sheshin “Ibrahim Rugova” në Prishtinë.
Ndërkaq, përmes një postimi në rrjetet sociale, Haradinaj është shprehur se të pagjeturit janë plagë e hapur dhe dhembje e vazhdueshme për secilin kosovarë, prej 20 vitesh.
Kryeministri ka theksuarse institucionet e vendit nuk do të reshtin së kërkuari të pagjeturit dhe drejtësi për viktimat e luftës.
“Plagët e konfliktit të fundit nuk mund të mbyllën dhe nuk mund të ketë paqe të qëndrueshme pa ndriçimin e plotë të të vërtetës së luftës në Kosovë”, ka shkruar Haradinaj në rrjetin social Facebook.
