Në rubrikën tonë të përditshme “Spring në Alpe” një vëmendje të veçantë i kushtojmë edhe këndvështrimit të të huajve për Shqipërinë, ku një theks të veçnta kanë edhe artikujt e ndryshëm, por jo vetëm.
Së fundmi, një italiane e cila promovon Shqipërinë, “Turismo.al” i ka dedikuar një artikull fshatit turistik të Dhërmiut, duke venë në pah “rilindjen” e tij si pasojë e restaurimeve dhe investimeve të shumta.
Ja çfarë shkruan ndër të tjera “Turismo.al”: Dhërmiu ka edhe vlera kulturore dhe historike, përveç plazheve të mrekullueshëm të frekuentuar gjatë sezonit veror.
POSTIMI I PLOTË:
Dhërmiu, fshat i vendosur buzë detit Jon dhe në shpatet e maleve midis gjelbërimit të ullinjve dhe agrumeve të shumta, i ka një bukuri madhështore.
Dhërmiu është një vend ku gërshetohet tërheqja nga deti i kaltert dhe i pastert i Jonit më atë të ajrit të pastër dhe të shëndetshëm të maleve.
Projekti i restaurimit
Restaurimi i shtëpive në fshat u realizua si pjesë e projekteve që Fondi Shqiptar i Zhvillimit po zbaton në rrethin e Himarës falë financimit të qeverisë shqiptare dhe bankës zhvillimore të Këshillit të Evropës.
Shtëpitë e vjetra janë duke kaluar nëpër një proces restaurimi, për të përmirësuar ofertën turistike të fshatit”, – njofton Fondi Shqiptar i Zhvillimit
Deri më sot, siç është raportuar nga kryetari i Bashkisë së Himarës, Jorgo Goro, rreth 230 shtëpi janë restauruar. Gjithë procesi, megjithatë, do të përfundojë në fund të majit sipas parashikimeve.
Dhërmiu ka edhe vlera kulturore dhe historike, përveç plazheve të mrekullueshëm të frekuentuar gjatë sezonit veror.
AlpeNews.al
