Një person u hodh nga kati i tetë i një pallati në Vlorë, duke humbur jetën në mënyrë tragjike pasditen e sotme.
Personi, emri i të cilit nuk bëhet i ditur, ishte baba i një fëmije, ndërkohë që ishte në pritje të një fëmije të dytë.
Vetëm dy ditë më parë ai ishte denoncuar për dhunë nga gruaja, e cila kishte fituar edhe një urdhër mbrojtje.
Mësohet se 31 vjeçari para se të kryente aktin e flijimit ka lënë një letër të shkruar.
Ai i ka kërkuar falje bashkëshortes së tij ku i lë amanet fëmijët.
Ngjarja ka ndodhur në lagjen ‘Aleksandria” dhe çifti mësohet se jetonte në këtë pallat prej katër muajsh me qera, ndërkohë që mësohet se kanë pasur shpesh mosmarrëveshje me njëri-tjetrin.
