Kreu i Bashkisë së Tiranës, Erion Veliaj ka sqaruar edhe çështjen e lejeve të ndërtimit në kryeqytet, ku deklaroi se numri i tyre lidhet me investimet e shumta publike në kryeqytet, si sheshi Skenderbej, Pazari i Ri, shkollat e reja, kopshtet, çerdhet etj.
Duke folur në ABC News, Veliaj theksoi se gjysma e lejeve të dhëna nga ai janë punë publike, ndërkohë që në kohën e Bashës, të gjitha lejet e dhëna janë për ndërtime private, pasi nuk bëri asnjë investim. “80 mijë metra katrorë është vetëm Bulevardi i Ri. Nga te dhenat e Instatit ka më shumë metra katrorë sepse ne keto 4 vjet janë bërë më shumë punë publike. 67 mije metra katrore janë vetëm kopshte dhe çerdhe. 100 mije metra katrore eshte leja per sheshin Skenderbej. Gjysma e lejeve janë në fakt punë publike, ndërkohë që në administratën e shkuar ndertimet ishin 100 për qind punë private, se nuk kishte punë publike”, tha Veliaj.
Kreu i Bashkisë së Tiranës deklaroi se Tirana shtohet çdo vit me 25 mijë banorë dhe ka nevojë për 4-5 mije apartamente. “Kritiket jane të gjithë analistë në rrogë të një ndërtuesi dhe e kuptoj filmin. Pra, ti e kupton që nje ndërtuesi nuk i intereson të ketë ndertime të tjera se do ta mbajë çmimin e lartë, se po të ketë ofertë çmimet mbahen të balancuara në Tiranë. Tirana shtohet çdo vit me 25 mijë banorë, do të thotë se ka nevojë për 4-5 mijë apartamente. Nëse nuk jemi aktivë të ruajmë balancën mes kërkesës dhe ofertës atëhetë të marrësh një apartament në Tiranë është si të marrësh një apartament në Londër. Ndërkohë për çiftet e reja, ku vetëm Bashkia e Tiranës jep 1 mijë kredi të buta në vit, do qe e pamundur të vinte në Tiranë”, deklaroi Veliaj.
