I tronditur nga pesë muaj protesta, shpesh të dhunshme të “jelekë verdhëve”, presidenti Emmanuel Macron do të prezantojë një paketë masash për të shuar trazirat. Protestat shpërthyen pas rritjes së taksës së naftës, por u shndërrua në një reagim për të gjerë kundër pabarazisë dhe një elite politike e perceptuar si një kategori që ka humbur kontaktin me njerëzit e zakonshëm.
Për Macron, stili monarkik i qeverisë, mori akuza për arrogancë nga votuesit dhe kontribuoi në një rënie të mprehtë të popullaritetit të tij dhe kjo konferencë në pallatin Elysee do të jetë vendimtare për të rimarrë terrenin e humbur me votuesit.
“Ai dëshiron të thyejë imazhin e dikujt që është kokëfortë dhe që kurrë nuk dëgjon askënd”, tha për Reuters Arnaud Mercier, një ekspert i komunikimit politik.
Macron pritet të rifillojë një sërë reformash, duke qenë se ndryshimet e parashtruara disa muaj më parë u pritën me protesta. Ato përfshinin një ulje në tatimin mbi të ardhurat, ri-lidhjen e pensioneve më të ulëta me inflacionin, ndërprerjen e mbylljes së spitaleve dhe shkollave në zonat rurale, dhe shfuqizimin e kolegjit të shërbimit civil ENA që për shumë është bërë një simbol i privilegjit të elitës.
