Në Ditën Ndërkombëtare të Librit, kryetari i Bashkisë së Tiranës Erion Veliaj ka zgjedhur të promovojë hapësirat e dedikuara leximit dhe bibliotekave në kryeqytet. Përmes një videomesazhi, Veliaj ka treguar edhe njëherë se falë investimit të Bashkisë, Biblioteka “Musine Kokalari”, është shndërruar në hapësirë moderne leximi për të apasionuarit pas librave.
“Sot është Dita e Librit, ndaj po e nisim me një nga shembujt se si bashkia jote po i rikthen identitetin vatrave të dijes. 📔📖
#throëback Biblioteka “Musine Kokalari”. Nga një hapësirë e degraduar, që shërbente si magazinë librash, biblioteka “Musine Kokalari”, është shndërruar në hapësirë moderne leximi për të apasionuarit pas librave. 📚📚”, shkruan kryebashkiaku Veliaj, teksa publikon edhe videomesazhin.
Fale punës së Bashkisë së Tiranës, kryeqytetit i janë shtuar hapësirat e dedikuara studimit dhe leximit, ku studentët, por edhe gjithë qytetarët e pasionuar pas librit, mund të kalojnë orët e lira. Vetëm gjatë këtyre viteve, përveç bibliotekës “Musine Kokalari”, Bashkia e Tiranës ka rikonstruktuar plotësisht dhe i ka kthyer në vende dinjitoze për lexim disa biblioteka të tjera lagjesh në kryeqytet.
