Organizata “Gazetarët pa kufij”, me seli në Paris ka nxjerrë raportin për vitin 2018, ku Shqipëria rënditet e 82 ndër 180 vende që janë në total pjesë e raportit.
Pas daljes se raportit nga kjo organizatë, Partia Demokratike me anë të ish-deputetes Albana Vokshi ka dalë dhe ka akuzuar qeverinë për cenim te lirise se medias.
Por, në gjithë deklaratën e PD-së ka një paradoks të madh që veçsa dëmton PD-në dhe tregon se si ajo tallet me shqiptaret. Kjo sepse po të shohësh rankimin e Shqipërisë që nga 2013 kur qeveriste Partia Demokratike, Shqipëria rënditej në vendin e 102 nga 180 vende.
Ndërsa që pas ikjes së saj nga pushteti dhe ardhjes së qeverisë së re, Shqipëria është përmirësuar me mbi 20 vende dhe ka ruajtur një konstante gjatë këtyre 5 viteve. Edhe pse kjo nuk është e mjaftueshme dhe kërkohet më shumë punë për lirinë e medias, kur flet PD për këtë çështje hipokrizia arrin kulmin.
Të flasësh për lirinë e medias është domosdoshmëri, por kur flet për të një parti që ka djegur redaksi mediash, ka gjobitur, kercenuar dhe ka qëlluar mbi gazetarët me plumba në mes të bulevardit, është kulmi i talljes me shqiptarët dhe me vete median.
