Pas protestës së sotme të opozitës e cila zgjati për rreth katër orë, nga kryeministria te parlamenti policia ka nisur shoqërimet.
Mësohet se disa protestues janë shoqëruar në komisariat për shkak se ushtruan akte dhune gjatë tubimit të sotëm ku mbetën të lënduar 5 efektivë policie.
Gjatë protestës te Parlamenti protestuesit i vunë zjarrin një makine të parkuar, goditën me sende të forta në drejtim të policisë si dhe thyen xhamat e një biznesi aty pranë.
Ndërkohë që ish-deputetët e PD kanë shkuar drejt komisariatit për të kërkuar lirimin e tyre.
