Një ngjarje e rëndë ka tronditur vendin pasditen e sotme teksa një grabitje në aeroportin e Rinasit ka përfunduar me viktima.
Persona të maskuar dhe të armatosur kanë grabitur makinën e blinduar me të cilën do transportoheshin paratë e një banke të nivelit të dytë. Dyshohet se janë grabitur 10 milione euro.
Grabitësit kanë mundur të depërtojnë deri në pistën nga ku do të ngrihej avioni. Sipas policisë, grabitësit thyen derën që përdorej nga zjarrëfikësit.
Mendohet se ka pasur rezistencë nga roja e makinës së blinduar dhe në shkëmbin zjarri njëri prej autorëve ka mbetur i vdekur në vend.
Duket se grabitja ishte e mirëmenduar prej kohësh. Nga ana tjetër shumë prej momenteve të ndodhura na kujtojnë serialin më të famshëm të muajve të fundit, atë të “La casa de Papel” apo “Money Heist”.
Për ata që nuk e kanë parë, i gjithë skenari rrotullohej rreth 7 grabitësve që vjedhin fabrikën ku prodhohej paraja në Spanjë.
Nuk është hapi që edhe grabitësit e Rinasit të jenë “frymëzuar” nga ky serial, sigurisht në mënyrën e vet dhe me mjetet që mundet.
Ja disa prej momenteve që ndonëse duken ashtu si vetë seriali, sapo kanë shënuar në grabitjen më të madhe të bërë ndonjëherë në Shqipëri:
- Thyerja e sigurisë në aeroportin e Rinasit, deri në avion. Nga ana tjetër, fabrika e parave.
- Grabitësit kanë hyrë në ambientet e brendshme të Rinasit me një furgon që kishte mbishkrimin “hetimi tatimor”. Nga ana tjetër, edhe në serial grabitësit maskohen para vjedhjes.
- Grabitësit mbanin veshur uniforma ushtarake, disa prej dëshmitarëve thanë se menduan se ishin komando. Nga ana tjetër, në serial ëshë edhe veshja e famshme që identifikon edhe vetë fimin, ato të paliçetave të kuqe dhe maskave të frikshme.
- Mosha e grabitësve mendohet të jetë relativisht e re 39-30 vjeç. Në serial po ashtu.
- Shumë e grabitur mendohet të jetë 10 milion euro. Një shumë e tillë nuk ëshë grabitur kurrë më parë në Shqipëri. Nga ana tjetër, në serial grabitësit qendrojnë për ditë të tëra brenda në fabrikë derisa të marrin shumën më të madhe të parave.
- Grabitësit kanë tërrorizuar pasagjerët e avionit. Këta të fundit nuk kanë kapur madje as edhe një video. Nga ana tjetër, kujtojmë në serial se bashkë me grabitësit brenda në fabrikë ndejtën edhe pengjet që ishin punëtor të thjeshtë.
- Grabitësit ishin të armatosur me kallashnikov. Një prej viktimave iu gjendën armë e fishekë. Nga ana tjetër, në serial grabitësit qendronin me automatic në krahë.
- Autorët e grabitjes së 10 milionë eurove u përleshen me policinë derisa mbeti I vrarë një prej tyre. Nga ana tjetër në serial përplasja me policinë ndodh që në fillim, teksa plagoset njëri prej grabitësve. Në fund, dy prej tyre vdiqën.
Përgatiti: AlpeNews.al
