Menjëherë pas jehonës për vendimin e marrë për pronat në Himarë, kryeministri Edi Rama ka zhvilluar një telefonatë me homologun grek Aleksis Tipras, thekson mbarë shtypi grek.
Dy kryeministrat kontaktuan për reformat e domosdoshme të Shqipërisë për integrimin në BE. Pak ditë më parë Aleksis TSipras dërgoi një mesazh të qartë Shqipërisë nga Samiti i Rumanisë, ku ndodhej, pas publikimit të vendimit ministror për pronat e himariotëve në fletoren zyrtare.
Zyra e shtypit të kryeministrit grek thekson se axhenda e bisedës telefonike përfshinte reformat e Shqipërisë për integrimin në BE.
Burime theksojnë se Tsipras u ndal gjatë në çështjen e pronave në detin Jon si dhe në legjislaturë përkatëse për minoritarët. Gjithashtu, u diskutuan marrëdhëniet bilaterale ekonomike dhe zhvillimet e fundit në rajonin ballkanik. /Balkanweb
