Është vënë në pranga nga Policia italiane e Olbias në rajonin e Sardenjës shqiptari me iniciale B.O. 43 vjeç me akuzën e trafikut të drogës. Shtetasi B.O., banues në Emilia Romagna, po udhëtonte me trageti nga porti i Livornos në portin e Olbias së bashku me vajzën e tij 5 vjeçe e bashkëshorten me kombësi rumune.
Gjatë kontrollit të automjetit i janë gjetur 6 kg kokainë e 16 gramë heroinë. Sipas policisë italiane droga e cilësisë mjaft të pastër ka një vlerë rreth 1.5 milion euro në treg.
Ndaj shqiptarit është lëshuar masa e arrestit me burg, ndërsa bashkëshortja e tij rumune do të hetohet në gjendje të lirë.
